OMILJENI KOLAČ KOJI JE SVAKA KUĆA U JUGOSLAVIJI IMALA NA STOLU: Taj ukus se nikad ne zaboravlja a košta MANJE OD 3 EURA
Slatka izlivena pita od kukuruznog brašna bila je dio svih lijepih porodičnih dešavanja u bivšoj Jugoslaviji, a potrebno vam je svega nekoliko minuta za pripremu.
Kukuruzna slatka izlivena pita bila je jedna od omiljenih poslastica na prostorima bivše Jugoslavije. Nalazila se na trpezi u gotovo svakoj kući, a domaćice su je pravile začas. Osim toga, ne košta ni 3 eura, a ima ukus koji se ne zaboravlja.
Donosimo vam osnovi recept, a vi pustite mašti na volji!
SASTOJCI:
4 jaja
200 g šećera
350 g kukuruznog brašna
4 dcl mlijeka
2 dcl ulja
1 prašak za pecivo
NAČIN PRIPREME:
U kukuruzno brašno umiješajte prašak za pecivo i stavite ga na stranu. Razlupajte jaja, ubacite ih u posudu za miksanje i dodajte šećer. Miksajte 2-3 minuta dok ne dobijete glatku, gustu i svijetlu smjesu. Potom u nju pomalo dodajte ulje i miksajte na najmanjoj brzini.
U dobijenu smjesu ubacite kukuruzno brašno i dobro promiješajte. Pleh premažite uljem ili maslacem i pospite s malo kukuruznog brašna, pa sipajte smjesu. Stavite ga u prethodno zagrijanu rernu na 190 °C i pecite kolaš između 20 i 30 minuta. Znaćete da je kolač pečen kada dobije zlatno-žutu boju i odvoji se od ivica pleha.
